“Amway” Mustaqil tadbirkorlari, Mijozlari hamda veb-sayt tashrifchilari uchun shaxsiy ma’lumotlarga ishlov berish bo‘yicha “Amway” Nizomi

Ushbu Maxfiylik haqidagi xabarnoma Oʻzbekiston Respublikasi, 100084, Toshkent, Yunusobod tumani, Minor mahallasi, Amir Temur shoh koʻchasi, 95A manzili boʻyicha roʻyxatga olingan «ACAU» Mas'uliyati cheklangan jamiyati Xorijiy korxonasi (quyida – “Amway” yoki “biz” yoki «bizni») Amway kompaniyasi korxonalarining Sohiblaridan va/yoki kompaniya korxonalarining Shartli sohiblaridan (quyida – “AKS” yoki “siz”), Mijozlar va/yoki Ishtirokchilardan (quyida – “Mijozlar” yoki “siz”) yoki veb-saytga Tashrif buyuruvchilardan (quyida – “veb-saytga Tashrif buyuruvchilar” yoki «siz») olingan yoki toʻplangan shaxsiy ma'lumotlardan qanday foydalanishi tavsiflanadi. Unda sizning shaxsiy ma'lumotlaringizni qanday toʻplashimiz yoki olishimiz, qanday turdagi shaxsiy ma'lumotlarga ishlov berishimiz, bunday ma'lumotlardan qanday foydalanishimiz, berishimiz va himoya qilishimiz, bunday ma'lumotlarni qay darajada uzoq saqlashimiz, sizning shaxsiy ma'lumotlaringizga ishlov berilishi borasidagi huquqlaringiz hamda maxfiylik siyosatimiz masalalari boʻyicha biz bilan qanday bogʻlanishingiz mumkinligi tavsiflanadi.

Shaxsiy ma'lumotlaringizni qanday toʻplaymiz va olamiz

Sizdan shaxsiy ma'lumotlaringizni bizga taqdim etish soʻraladigan holatlarda, biz shunday ma'lumotlarni taqdim etish qonunchilik yoki shartnoma talabi yoki yoʻqligini yoki shartnomani tuzish va/yoki bajarish uchun zarur boʻlgan shart ekani yoki yoʻqligini koʻrsatib oʻtamiz hamda shunday ma'lumotlarni taqdim etishga majburligingiz yoki unday emasligini va ularni taqdim etmaslikning ehtimoliy oqibatlari qanday boʻlishini ma'lum qilamiz.

Amway kompaniyasi shaxsiy ma'lumotlarni turli usullar yordamida toʻplaydi va oladi, masalan:

Roʻyxatga olish. Amway kompaniyasi shaxsiy ma'lumotlaringizni siz AKS yoki Mijozga aylanish uchun toʻldiradigan roʻyxatga olish shakli orqali toʻplaydi.

AKS nomi ostida. Agar siz Amway kompaniyasining veb-saytiga yoki ilovasiga AKS sifatida kirgan boʻlsangiz, veb-saytdan yoki ilovadan foydalanganda bizga taqdim etadigan shaxsiy ma'lumotlaringizni toʻplaymiz. Masalan, siz tovarlar yoki xizmatlarni xarid qilayotganda biz shaxsiy ma'lumotlarni toʻplaymiz.

Mijoz nomi ostida. Agar siz Amway kompaniyasining veb-saytiga yoki ilovasiga Mijoz sifatida kirgan boʻlsangiz, veb-saytdan yoki ilovadan foydalanganda bizga taqdim etadigan shaxsiy ma'lumotlaringizni toʻplaymiz. Masalan, siz tovarlar yoki xizmatlarni xarid qilayotganda biz shaxsiy ma'lumotlarni toʻplaymiz.

Biz bilan qanday bogʻlanish mumkin. Siz Amway kompaniyasi veb-saytining yoki ilovasining “Biz bilan bogʻlanish” sahifasida koʻrsatilgan turli aloqa kanallari orqali bizga murojaat qilganingizda, biz siz taqdim etadigan shaxsiy ma'lumotlar va boshqa axborotni toʻplaymiz. Bunday shaxsiy ma'lumotlarga, masalan, onlayn-shakllarda koʻrsatilgan elektron pochta manzillari, telefonlar raqamlari yoki ma'lumotlari kiradi.

Cookie-fayllar. Shuningdek, siz veb-saytga kirganingizda, uni koʻrib chiqayotganingizda va undan foydalanganingizda undan foydalanganlik haqidagi muayyan axborotni toʻplaydigan cookie-fayllar yoki shunga oʻxshash texnologiyalardan foydalanamiz. Cookie-fayl ma'lumotlar faylidan iborat boʻlib, veb-saytga kirganda u kompyuterda yoki mobil qurilmada saqlanadi. Siz servislarimizda avtorlashayotgan paytingizda ma'lumotlaringiz anonim holatda qoladi va biz taqdim etilgan axborotni siz bilan bogʻlay olmaymiz.

Siz cookie-fayllarni brauzeringizning sozlanmalarida oʻchirib qoʻyishingiz mumkin (masalan, «Sozlanmalar» yoki «Sharhlovchining xususiyatlari» boʻlimida). Shunga qaramasdan, cookie-fayllarni oʻchirganda veb-saytning ayrim funksiyalari notoʻgʻri ishlashi mumkinligiga e'tibor qarating. Cookie-fayllarni boshqarish va ularni oʻchirish haqidagi batafsil ma'lumotni https://www.aboutcookies.com/ saytida topish mumkin.

Biz tomonimizdan ishlov beriladigan AKS ga doir shaxsiy ma'lumotlarning turlari

Agar siz AKS sifatida roʻyxatdan oʻtsangiz, biz shaxsiy ma'lumotlaringizning quyidagi turlariga ishlov beramiz:

• Aloqa ma'lumotlari (masalan, ismi, pochta yoki elektron manzili, ijtimoiy tarmoq foydalanuvchisining ismi, faks raqami va telefon raqami);
• Tegishli holatlarda AKSning tashkiliy ma'lumotlari (masalan, Amway kompaniyasidagi tijorat faoliyatingiz bilan bogʻliq kompaniyaning nomi, faoliyat turi hamda rahbariyati va sohiblari haqidagi ma'lumotlar);
• Demografik ma'lumotlar, masalan, jinsi, yoshi, millati, nima bilan shugʻullanadi, tugʻilgan sanasi va joyi;
• Oilaviy holati;
• AKS roʻyxat raqami va tizimga kirish uchun ma'lumotlari (masalan, Amway kompaniyasining IR va paroli);
• Milliy identifikatorlar, amaldagi qonunchilikda oʻrnatilgan yoki talab qilingan holatlarda yoki bu shartnomaviy majburiyatlarni bajarish uchun zarur boʻlsa, masalan, pasport yoki shaxsni tasdiqlovchi guvohnoma ma'lumotlari (shu jumladan, raqami, berilgan sanasi, berilgan joyi va amal qilish muddati), soliq toʻlovchining identifikasiya raqami yoki ijtimoiy sugʻurta raqami;
• Toʻlov ma'lumotlari (masalan, bank hisob raqami, debet yoki kredit kartalarining raqamlari, toʻlov tizimlari);
• AKSning ishlab chiqarish ma'lumotlari (masalan, Amway kompaniyasining Sotuvlar va marketing rejasiga muvofiq sinfi, maqomi, guruhli va shaxsiy sifatlari, shuningdek Amway kompaniyasi tomonidan bonuslarni hisoblash xronologiyasi);
• Tovarlar boʻyicha afzalliklari, tovar nomenklaturasi, xarid odatlari, xaridlarning vaqt va xarajatlar tuzilmasi boʻyicha taqsimlanishi;
• Dasturlar va reklama aksiyalaridagi ishtiroki; hamda,
• Muloqot sozlanmalari.

Biz tomonimizdan Mijozlarning shaxsiy ma'lumotlariga ishlov berish turlari

Agar siz bevosita Amway kompaniyasida Mijoz sifatida roʻyxatdan oʻtsangiz, biz shaxsiy ma'lumotlaringizning quyidagi turlariga ishlov beramiz:

• Aloqa ma'lumotlari (masalan, ismi, pochta yoki elektron manzili, ijtimoiy tarmoq foydalanuvchisining ismi, faks raqami va telefon raqami);
• Tugʻilgan sanasi;
• Tizimga kirish uchun ma'lumotlar, jumladan foydalanuvchi nomi, Amway kompaniyasining IR va paroli; va
• Toʻlov ma'lumotlari (masalan, bank hisob raqami, debet yoki kredit kartalarining raqamlari, piring toʻlovlari uchun ilovalarning identifikasiya raqami);
• Tovarlar boʻyicha afzalliklari, xarid odatlari, xaridlarning vaqt boʻyicha taqsimlanishi, dasturlar va reklama aksiyalaridagi ishtiroki hamda xarajatlar tuzilmasi; va
• Muloqot sozlanmalari.

Bundan tashqari, biz bilan turli aloqa kanallari orqali bogʻlanganingizda, biz ism, elektron pochta manzili, pochta manzili, telefon raqami va/yoki faks raqami kabi aloqa ma'lumotlarini toʻplaymiz. Shuningdek, siz oʻz soʻrovlaringiz yoki sharhlaringiz munosabati bilan boshqa shaxsiy ma'lumotlarni ham ixtiyoriy ravishda taqdim etishingiz mumkin. Shunga qaramasdan, biz sizga faqat soʻrovlaringizga yoki sharhlaringizga tegishli tarzda javob bera olishimiz uchun zarur boʻlgan shaxsiy ma'lumotlarni taqdim etishni tavsiya qilamiz.

Biz boshqa shaxsiy ma'lumotlarga faqat alohida holatlarda ishlov berishimiz mumkin. Agar bizga sizning boshqa turdagi shaxsiy ma'lumotlaringizga ishlov berish zarur boʻlsa, biz shunday ma'lumotlarga ishlov berilishi haqida xabardor boʻlishingiz va buning uchun qonuniy asos (masalan, roziligingiz) boʻlishi haqida gʻamxoʻrlik qilamiz.

Biz toʻplaydigan AKSga doir shaxsiy ma'lumotlardan qanday foydalanamiz

Biz shaxsiy ma'lumotlaringizga faqat zarurat boʻlganida ishlov beramiz:

• Siz va bizning oʻrtamizda tuzilgan shartnomani bajarish uchun yoki biz bilan shartnoma tuzilishidan oldin sizning soʻrovingiz boʻyicha choralar koʻrish uchun, jumladan quyidagilar uchun:
  • Sizning AKS sifatida biz bilan munosabatlaringizni boshqarish, AKS sifatida dastlabki roʻyxatdan oʻtishdan boshlab va AKS sifatida faoliyat yuritadigan butun muddat davomida hamda maqomingiz har qanday tarzda oʻzgarganida (masalan, Mijoz maqomiga oʻtganingizda);
  • Mahalliy affillangan shaxs va sizning oʻrtangizdagi munosabatlarni rivojlantirish va qoʻllab-quvvatlash;
  • Akkauntingizni yaratish va boshqarish;
  • Sharhlaringiz yoki soʻrovlaringizga javob berish;
  • Tovarlar yoki xizmatlarga buyurtmalaringizga ishlov berish;
  • Sizning biznesingizni va buyumlar boʻyicha hujjatlaringizni qoʻllab-quvvatlash boʻyicha oʻz majburiyatlarimizni bajarish;
  • Biz taklif qiladigan yoki taklif qilishni rejalashtirayotgan tovarlar yoki xizmatlar borasida siz bilan muloqot qilish;
  • Amway kompaniyasining korxonasini roʻyxatdan oʻtkazish toʻgʻrisida biz bilan tuzilgan kelishuv doirasida faoliyatingiz natijalarini baholash;
  • Ishlab chiqarish faoliyatining natijalari haqida sizga axborot taqdim etish;
  • Sizning aloqa ma'lumotlaringizni, korxona identifikasiyasi haqidagi axborotni va ishlab chiqarish faoliyatining natijalari haqidagi ma'lumotlarni yuqori turuvchi AKSga hamda aloqa ma'lumotlarini Amway kompaniyasida biznesingizni qoʻllab-quvvatlash uchun quyi turuvchi AKSga taqdim etish;
  • Biznesingiz va guruhingizning biznesi muvaffaqiyatli boʻlishiga koʻmaklashish maqsadida yuqori turuvchi AKS uchun tovarlar boʻyicha afzalliklaringiz va tovar nomenklaturasi, dasturlar va reklama aksiyalaridagi ishtirokingiz hamda qat'iy buyurtmalar proseduralaridan (SOP) foydalanish haqidagi ma'lumotlarni taqdim etish;
  • Buxgalteriya hisobini yuritish, auditlar, hisoblarni taqdim etish va pul mablagʻlarining inkassasiyasi; va
  • Shartnoma shartlari va qoidalariga, shu jumladan, boshqalari bilan bir qatorda, Amway kompaniyasining amaldagi Xatti-Harakatlar Qoidalariga rioya qilinishini ta'minlash.
• Bizning xuquqiy majburiyatlarimiz bajarilishi uchun, shu jumladan quyidagilar uchun:
  • Bizga hisob yozuvlarini saqlash majburiyatini yuklaydigan qonunchilikka rioya qilish; va
  • Bizga nisbatan qoʻllanishi mumkin boʻlgan boshqa barcha qonunlarga rioya qilish.
• Qonuniy manfaatlarimizni amalga oshirish maqsadlarida, shu jumladan quyidagilar uchun:
  • Tovarlarimiz, biznes va xizmatlarimizni boshqarish, baholash va takomillashtirish, shu jumladan quyidagilar yordamida:
    • Sizning tovarlar, materiallar va/yoki xizmatlardan foydalanishingizni kuzatish va tahlil qilish;
    • Shaxsingizni aniqlash imkonini bermaydigan axborotni tahlil qilish maqsadida shaxsiy ma'lumotlaringizni anonimlashtirish; va,
    • Yangi tovarlar va xizmatlarni ishlab chiqish;
  • Amway kompaniyasining treninglari, kengashlari va tadbirlaridagi ishtirokni kuzatish, hujjatlashtirish va tahlil qilish;
  • Firibgarlik, ruxsat etilmagan tranzaksiyalar, shikoyatlar va boshqa javobgarlikning oldini olish hamda sizni, bizni va boshqa shaxslarni ulardan himoya qilish;
  • Kompaniya siyosatlariga va tarmoq standartlariga rioya qilinishini ta'minlash; va
  • Ichki ma'muriy maqsadlar uchun shaxsiy ma'lumotlarga ishlov berish.

Biz toʻplaydigan Mijozlarning shaxsiy ma'lumotlaridan qanday foydalanamiz

Biz shaxsiy ma'lumotlaringizga faqat zarurat boʻlganida ishlov beramiz:

• Siz va bizning oʻrtamizda tuzilgan shartnomani bajarish uchun yoki biz bilan shartnoma tuzilishidan oldin sizning soʻrovingiz boʻyicha choralar koʻrish uchun, jumladan quyidagilar uchun:
  • Sizning Mijoz sifatida biz bilan munosabatlaringizni boshqarish, Mijoz sifatida dastlabki roʻyxatdan oʻtishdan boshlab va Mijoz sifatida faoliyat yuritadigan butun muddat davomida hamda maqomingiz har qanday tarzda oʻzgarganida (masalan, AKS maqomiga oʻtganingizda);
  • Akkauntingizni yaratish va boshqarish;
  • Sharhlaringiz yoki soʻrovlaringizga javob berish;
  • Tovarlar yoki xizmatlarga buyurtmalaringizga ishlov berish;
  • Sizni qoʻllab-quvvatlash boʻyicha oʻz majburiyatlarimizni bajarish;
  • Siz bilan muloqot qilish;
  • Agar AKS bilan bogʻlanishga qaror qilsangiz yoki, agar siz roʻyxatdan oʻtgan boʻlsangiz va AKS bilan bogʻlanishga qaror qilgan boʻlsangiz, sizning AKS bilan aloqangizni oʻrnatish (jumladan AKSga ismingiz, manzilingiz, telefon raqamingiz yoki elektron pochta manzilingiz, xaridlar va xaridlarning vaqt boʻyicha taqsimlanishini taqdim etish), agar dastlabki AKS Amway kompaniyasi bilan hamkorlikni toʻxtatsa, sizning yangi AKS bilan aloqangizni oʻrnatish;
  • Buxgalteriya hisobini yuritish, auditlar, hisoblarni taqdim etish va pul mablagʻlarining inkassasiyasi; va
  • Shartnoma shartlari va qoidalariga rioya qilinishini ta'minlash.
• Huquqiy majburiyatlarimizni bajarish uchun, shu jumladan quyidagilar uchun:
  • Bizga hisob yozuvlarini saqlash majburiyatini yuklaydigan qonunchilikka rioya qilish; va
  • Bizga nisbatan qoʻllanishi mumkin boʻlgan boshqa barcha qonunlarga rioya qilish.
• Qonuniy manfaatlarimizni amalga oshirish maqsadlarida, shu jumladan quyidagilar uchun:
  • Tovarlarimiz, biznes va xizmatlarimizni boshqarish, baholash va takomillashtirish, shu jumladan quyidagilar yordamida:
    • Sizning tovarlar, materiallar va/yoki xizmatlardan foydalanishingizni kuzatish va tahlil qilish;
    • Shaxsingizni aniqlash imkonini bermaydigan axborotni tahlil qilish maqsadida shaxsiy ma'lumotlaringizni anonimlashtirish; va,
    • Yangi tovarlar va xizmatlarni ishlab chiqish;
  • Amway kompaniyasining treninglari, kengashlari va tadbirlaridagi ishtirokni kuzatish, hujjatlashtirish va tahlil qilish;
  • Firibgarlik, ruxsat etilmagan tranzaksiyalar, shikoyatlar va boshqa javobgarlikning oldini olish hamda sizni, bizni va boshqa shaxslarni ulardan himoya qilish;
  • Kompaniya siyosatlariga va tarmoq standartlariga rioya qilinishini ta'minlash; va
  • Ichki ma'muriy maqsadlar uchun shaxsiy ma'lumotlarga ishlov berish.

Biz toʻplaydigan veb-saytga tashrif buyuruvchilarning shaxsiy ma'lumotlaridan qanday foydalanamiz

Biz shaxsiy ma'lumotlaringizga faqat zarurat boʻlganida ishlov beramiz:

• Siz va bizning oʻrtamizda tuzilgan shartnomani bajarish uchun yoki biz bilan shartnoma tuzilishidan oldin sizning soʻrovingiz boʻyicha choralar koʻrish uchun, jumladan quyidagilar uchun;
• Huquqiy majburiyatlarimizni bajarish, shu jumladan quyidagilar uchun:
  • Bizga hisob yozuvlarini saqlash majburiyatini yuklaydigan qonunchilikka rioya qilish; va
  • Bizga nisbatan qoʻllanishi mumkin boʻlgan boshqa barcha qonunlarga rioya qilish.
• Qonuniy manfaatlarimizni amalga oshirish maqsadlarida, shu jumladan quyidagilar uchun:
  • Sharhlaringiz yoki soʻrovlaringizga javob berish;
  • Siz bilan muloqot qilish;
  • Tovarlarimiz, biznes va xizmatlarimizni boshqarish, baholash va takomillashtirish, shu jumladan quyidagilar yordamida:
  • Xizmatlarimizdan foydalanishingizni kuzatish va tahlil qilish;
  • Shaxsingizni aniqlash imkonini bermaydigan axborotni tahlil qilish maqsadida shaxsiy ma'lumotlaringizni anonimlashtirish; va
  • Xizmatlarimiz sifatini oshirish;
  • Firibgarlik, ruxsat etilmagan tranzaksiyalar, shikoyatlar va boshqa javobgarlikning oldini olish hamda sizni, bizni va boshqa shaxslarni ulardan himoya qilish;
  • Kompaniya siyosatlariga va tarmoq standartlariga rioya qilinishini ta'minlash; va
  • Ichki ma'muriy maqsadlar uchun shaxsiy ma'lumotlarga ishlov berish.

Shaxsiy ma'lumotlaringizga ishlov berayotganda bu maqsadlarda biz tashkilotimizning qonuniy manfaatlarini sizning ma'lumotlar himoyalanishiga boʻlgan huquqlaringiz bilan puxta taqqoslandi. Qoʻshimcha axborot olish uchun bizga PrivacyOffice@amway.com manzili boʻyicha murojaat qilishingiz mumkin.

Shaxsiy ma'lumotlarni qanday beramiz

Sizning shaxsiy ma'lumotlaringizni boshqa nazoratchilarga taqdim etamiz:

• Amway International Inc.;
• Amway kompaniyasidagi biznesingizni qoʻllab-quvvatlash uchun sizning AKS yoki siz turgan Homiylik zanjirining xuddi shu qismidagi boshqa AKS;
• Moliyaviy xizmatlar va toʻlov tizimlarining etkazib beruvchilari;
• Logistika xizmatlarining etkazib beruvchilari;
• Qonunchilikda oʻrnatilgan va talab qilinadigan holatlarda davlat organlari yoki boshqa uchinchi shaxslar, yoki agar bu sizning, boshqa shaxslarning yoki oʻzimizning huquqlarimizni, qonuniy manfaatlarimizni, mulkimizni yoki xavfsizligimizni himoya qilish uchun asosli ravishda zarur boʻlsa.

Biz shaxsiy ma'lumotlaringizni quyidagi ishlov beruvchilarga taqdim etamiz:

• Xizmatlar, dasturiy ta'minotni ishlab chiqish boʻyicha xizmatlar, axborot tizimlariga xizmat koʻrsatish boʻyicha xizmatlar, axborot tizimlarining foydalanuvchilarini qoʻllab-quvvatlash boʻyicha xizmatlar, hujjatlarni boshqarish boʻyicha xizmatlar, buxgalteriya xizmatlari, etkazib berishlar zanjirini boshqarish boʻyicha xizmatlar, sotuvlar yoki marketingni qoʻllab-quvvatlash boʻyicha xizmatlar kabi infratuzilma, platformalar yoki dasturiy ta'minot sohasidagi echimlarning etkazib beruvchilari;
• Amway kompaniyasining butun dunyo boʻylab «qarindosh» tashkilotlari, Amway kompaniyasi tomonidan ularga shaxsiy ma'lumotlarning oshkor qilinishi asosli ravishda zarur yoki maqsadga muvofiq.

Agar bizga shaxsiy ma'lumotlaringizni berish zarur boʻlsa, biz buning uchun tegishli huquqiy asos (masalan, sizning roziligingiz) borligiga ishonch hosil qilamiz va ma'lumotlarni himoya qilish sohasidagi huquqlaringizning himoyasini ta'minlash uchun choralar koʻramiz.

AMWAY KOMPANIYASI SHAXSIY MA'LUMOTLARINGIZNI SOTMAYDI, IJARAGA BERMAYDI VA AYIRBOSHLAMAYDI

Ma'lumotlarning xorijga berilishi

Biz oʻzimiz toʻplaydigan sizning shaxsiy ma'lumotlaringizni Amway kompaniyalar guruhi doirasidagi tashkilotlarga hamda shaxsiy ma'lumotlarga bizning nomimizdan ishlov beradigan begona xizmatlar etkazib beruvchilariga beramiz. Ushbu kompaniyalar va xizmatlarni etkazib beruvchilarning ayrimlari ma'lumotlar dastlabki toʻplangan mamlakatdan farq qiluvchi boshqa mamlakatlarda joylashgan. Bu mamlakatlarning qonunchiligi siz dastavval shaxsiy ma'lumotlarni taqdim etgan mamlakatdagi kabi ma'lumotlarning himoya darajasini ta'minlamasligi mumkin. Shaxsiy ma'lumotlaringiz boshqa mamlakatlarga berilganida, biz bunday ma'lumotlarni mazkur Maxfiylik haqidagi xabarnomaga va amaldagi qonunchilikka muvofiq himoya qilamiz.

[YIZ dan boʻlgan va Yevropa komissiyasi tomonidan ma'lumotlarning etarli himoya darajasini ta'minlaydigan sifatida tan olingan mamlakatlarga beriladigan shaxsiy ma'lumotlarga nisbatan biz (Yevropa komissiyasining ma'lumotlarni YIZ dan tashqariga berish toʻgʻrisidagi Standart shartnomaviy shartlariga asoslangan) shartnomaviy kafolatlarni joriy etganmiz yoki shaxsiy ma'lumotlaringizning himoyasini ta'minlash uchun ekvivalent huquqiy mexanizmdan foydalanamiz. Shaxsiy ma'lumotlaringizni YIZ dan tashqariga berganda biz tomonimizdan ularni himoya qilish uchun qabul qilingan himoya choralari haqida (shu jumladan, shunday himoya choralarining nusxasini qanday olish yoki ular bilan qanday tanishish haqida) qoʻshimcha ma'lumot olish uchun biz bilan PrivacyOffice@amway.com Manzili orqali bogʻlaning].

Shaxsiy ma'lumotlarni qanday himoya qilamiz

Biz oʻzimiz ishlov beradigan shaxsiy ma'lumotlarni tasodifiy, noqonuniy yoki ruxsat etilmagan yoʻq qilinish, yoʻqotilish, oʻzgartirish, kirish, oshkor qilish yoki foydalanishdan himoya qiladigan tegishli texnik va tashkiliy xavfsizlik choralarini qoʻllaymiz.

Shaxsiy ma'lumotlarni qay darajada uzoq saqlaymiz

Biz shaxsiy ma'lumotlaringizni ularni qanday maqsadlarda toʻplasak, shu maqsadlarga erishish uchun zarur boʻladigan shuncha vaqt davomida saqlaymiz (yuqoridagi «Biz toʻplagan shaxsiy ma'lumotlardan qanday foydalanamiz» boʻlimiga qarang), qonunchilikda koʻzda tutilgan yoki oʻrnatilgan holatlar bundan mustasno. Bizning ma'lumotlarni saqlash qoidalarimizga doir savollaringiz boʻlsa, iltimos, quyida koʻrsatilgan aloqa ma'lumotlaridan foydalangan holda, biz bilan bogʻlaning.

Mazkur Maxfiylik haqida xabarnomadagi dolzarb oʻzgarishlar

Amway kompaniyasi ushbu Maxfiylik haqidagi xabarnomaga davriy ravishda oʻzgartirishlar kiritishi mumkin. Ushbu Maxfiylik haqidagi xabarnomaga kiritilgan har qanday jiddiy oʻzgartirishlar haqida sizni Amway kompaniyasining tegishli veb-saytlarida, Amway kompaniyasining rasmiy materiallarida yoki boshqa tegishli aloqa kanallari orqali xabardor qilamiz. Barcha oʻzgartirishlar, agar xabarnomada boshqasi koʻrsatilmagan boʻlsa, ular e'lon qilingan sanadan boshlab kuchga kiradi.

Huquqlaringiz

Amaldagi qonunchilikka muvofiq sizda ma'lumotlarni himoya qilish sohasida quyidagi huquqlar bor:

Kirish huquqi

Siz ma'lumotlaringizga ishlov berilayotgani yoki yoʻqligi haqida tasdiqnoma olish, agar ishlov berilayotgan boʻlsa, unda bunday ma'lumotlarga kirish huquqiga egasiz. Shuningdek, siz bizdan shaxsiy ma'lumotlaringizning nusxasini talab qilishga haqlisiz.

Tuzatish huquqi

Siz bizga, sizning fikringizcha, noaniq boʻlgan shaxsiy ma'lumotlaringizni tuzatish iltimosi bilan murojaat qilishga haqlisiz. Shuningdek, siz bizga, sizning fikringizcha, toʻliq boʻlmagan ma'lumotlarni toʻldirish iltimosi bilan ham murojaat qilishga haqlisiz. Bu huquq doim amal qiladi.

Ma'lumotlarni oʻchirish huquqi

Ushbu huquq «unutilish huquqi» sifatida ham ma'lum, oddiy qilib aytganda, u sizga, bizda ulardan kelgusida foydalanishga jiddiy asoslar boʻlmagan holatlarda, ma'lumotlaringizni oʻchirish yoki yoʻq qilishni talab qilish imkonini beradi. Bu ma'lumotlarni oʻchirishga mutlaq huquq hisoblanmaydi; bu borada istisnolar mavjud, masalan, agar biz ma'lumotlaringizni qonunchilikka muvofiq saqlashimiz shart boʻlganida.

Ishlov berishni cheklash huquqi

Siz muayyan holatlarda shaxsiy ma'lumotlaringizga ishlov berishni cheklash iltimosi bilan bizga murojaat qilishga haqlisiz.

Ma'lumotlarni koʻchirish huquqi

Ushbu huquq faqat siz bizga taqdim qilgan shaxsiy ma'lumotlarga nisbatan qoʻllanadi. Siz oʻzingiz taqdim etgan ma'lumotlarni biz boshqa tashkilotga berishimizni yoki oʻzingizga berishimizni talab qilishga haqlisiz.

Rozilikni chaqirib olish huquqi

Agar siz bizga shaxsiy ma'lumotlaringizga ishlov berilishiga rozilik bergan boʻlsangiz, oʻz roziligingizni istalgan paytda chaqirib olish huquqiga egasiz. Bu rozilik chaqirib olinishidan oldin uning asosida amalga oshirilgan ishlov berish ishlarining qonuniyligiga ta'sir qilmaydi.

E'tiroz bildirish huquqi

Biz qonuniy manfaatlarimizni amalga oshirish maqsadlarida shaxsiy ma'lumotlaringizga ishlov berganimizda, siz istalgan paytda shunday ishlov berishga qarshi norozilingizni bildirish huquqiga egasiz. Norozi boʻlgan taqdiringizda biz ishlov berishni toʻxtatamiz, bizda ma'lumotlaringizdan kelgusida foydalanish uchun jiddiy va qonuniy asoslar boʻladigan holatlar bundan mustasno.

Agar ushbu huquqlarning birortasi haqida koʻproq bilishni istasangiz, iltimos, biz bilan PrivacyOffice@amway.com manzili orqali bogʻlaning.

Shikoyat taqdim etish huquqi

Sizda shaxsiy ma'lumotlaringizga qanday ishlov berishimiz borasida savollar boʻlganida, bizning Maxfiylik masalalari boʻyicha boʻlimimizga murojaat qiling (aloqa ma'lumotlari quyida keltirilgan), u ushbu masalani koʻrib chiqadi va sizga javob beradi. Agar bizning javobimiz sizni qoniqtirmasa, siz yashaydigan yoki ishlaydigan mamlakat qonunchiligiga qarab, sizda ma'lumotlarni himoya qilish sohasini tartibga soluvchi organga shikoyat taqdim etish huquqi boʻlishi mumkin.

Biz bilan qanday bogʻlanish mumkin

Sizda ushbu Maxfiylik haqidagi xabarnoma borsida savollar boʻlganida, agar siz bizda siz haqingizda mavjud boʻlgan axborotni yangilashni yoki oʻzingizning ma'lumotlarning himoyalanishiga boʻlgan huquqlaringizdan foydalanishni istasangiz, aloqa shaklini toʻldirgan [Ssilka na kontaktnuyu formu] holda oʻzingizning mahalliy affillangan shaxsingizga yoki elektron pochta PrivacyOffice@amway.com orqali ma'lumotlar himoyasi uchun Mas'ul boʻlgan shaxsga murojaat qilishingiz mumkin [Iltimos, mailto havolasini qoʻying].