Click orqali onlayn to‘lov

1. To‘lov usuli sifatida Clickni tanlang.

2. Buyurtmani rasmiylashtirish sahifasida kerakli ma’lumotlarni to‘ldiring va buyurtmani tasdiqlang.

3. Buyurtmani tasdiqlaganingizdan so‘ng, Click to‘lov sahifasi ochiladi.

1. Saytning veb-versiyasi orqali to‘lov
Click to‘lov usulini tanlaganingizdan so‘ng, quyidagi to‘lov usullari mavjud bo‘lgan yagona to‘lov oynasi ochiladi:

a. QR-kod orqali to‘lov
Click ilovasida QR-kodni skanerlang. QR-kodda to‘lov haqidagi ma’lumotlar (xizmat nomi, qo‘shimcha parametrlar va to‘lov summasi) mavjud bo‘ladi. Skanerlashdan so‘ng to‘lov oynasi ochiladi, unda to‘lovni tasdiqlashingiz kerak.

b. Telefon raqami orqali to‘lov
“Telefon raqami orqali to‘lash” usulini tanlang va Click tizimida ro‘yxatdan o‘tgan telefon raqamingizni kiriting. Shundan so‘ng Click ilovasida to‘lov uchun hisob (invoice) yaratiladi. Bildirishnomani oching va to‘lovni tasdiqlang.

Telefon raqami kiritilgandan so‘ng, foydalanuvchiga yaratilgan hisob bo‘yicha push-bildirishnoma yuboriladi.

c. Bank kartasi orqali to‘lov
“Karta orqali to‘lash” usulini tanlang, so‘ng bank kartangiz raqami va uning amal qilish muddatini kiriting. Shundan keyin bir martalik SMS-kodni kiriting va to‘lov muvaffaqiyatli amalga oshiriladi.

Ushbu to‘lov usuli uchun Click tizimida ro‘yxatdan o‘tish talab etilmaydi.

2. Saytning mobil versiyasi yoki hamkor ilovasi orqali to‘lov:

Click to‘lov usuli tanlanganda, foydalanuvchi avtomatik ravishda deep link orqali Click ilovasiga yo‘naltiriladi. Ilovada xizmat uchun to‘lov oynasi ochiladi. Xaridni yakunlash uchun to‘lovni tasdiqlash kifoya.